Refrein:
Ózze leve Heer, dae haet dich ein gezich gegaeve, maar lache mós se zelf
Ein blie gezich, dae breije lach, die ouge glinst’re in de nach, zo wins se al de helf
En maak se dich dan waal ins drök en veuls se neet meer ‘t gelök, dan zaet ós Leve Heer:
“Waat dich is gegaeve, is veur ’t ganse laeve, de’s allemaol veur dich
Dink aan deze regel: lach ins in de sjpegel, dan lachs se taege mich”
Eerste couplet:
Marie is noe al maonjelang zó’n viefenvieftig jaor
Mit rimpelkes, en walle en ein bietje grieze haor
Gein crème, gein zalf, maar face-lif, jao det wól ’t toen heel gaer
De dokter trok ’t vel van ‘m euver de ore haer
Noe löp ‘t gillend euver sjtraot, ’t zuut d’r neet meer oet
En as ich ‘m dan taege kóm, zaegk ich: “Doe sjtrakke sjnoet
Det is toch gein gezich, noe loester ins nao mich”
Tweede couplet:
Dae Nol van ós is eine baer van hóngerd kilo zjwaor
Mit hase in de rink is hae ein laevesgroot gevaor
Hae sjleit nao links, hae sjleit nao rechs en raak ‘m heel direk
Maar saoves in zien bed ligk hae dan zellef oetgesjtrek
Dan zaet zien vrouw: “As ich dich zeen, dan zeen ich waat neet doug
Ich kiek nao links, ich kiek nao rechs en zeen dien blauwe oug”
Det is toch gein gezich, noe loester ins nao mich”
